УКМК мыйзамсыз жеке менчикке өтүп кеткен Чүй облусунун Кемин шаарындагы бала бакча мамлекетке кайтарылганын билдирди.

Маалыматта айтылгандай, 2004-жылы бала бакчаны Кемин райондук администрация башчысынын мурдагы орун басары Ч.А.Т.нын жакын тууганы менчиктештирген.

Көрүлгөн чаралардын жыйынтыгында бала бакча 40 сотых жери менен мамлекетке кайтарылган. Ошондой эле Кемин шаарынын мэриясына бала бакчаны кайрадан куруу маселесин тез арада шаардык кеңештин кароосуна коюу сунушталган.