«Кең-Сай» контролдук-өткөрмө пунктунун инспекторлору 9-сентябрда Пакистандан келген жалпы салмагы 19 645 килограммды түзгөн айыл чарба продукциясынын партиясын жөнөтүүчүгө кайтарышты. Жүктүн курамында 18 900 килограмм күрүч жана 745 килограмм куркума болгон.

Өлкөгө киргизүүдөн баш тартууга товарлардын таңгактарында маркалоонун жоктугу себеп болгон, бул Кыргыз Республикасынын фитосанитардык талаптарын бузууга жатат.

Жүктүн баары мамлекеттик чек ара аркылуу өткөрүлбөй, артка чыгарылды. Көзөмөлдү Айыл чарба министрлигинин Өсүмдүктөрдү химиялаштыруу, коргоо жана карантин департаменти жүргүздү.