Нарын облусунун Кочкор районунда жол кырсыгы катталды. Кырсыктан эки адам жабыркады. Бул тууралуу Өзгөчө кырдаалдар министрлигинин басма сөз кызматынан кабарлады.

Бишкек-Нарын-Торугарт унаа жолунунун 185-чакырымында “Ауди-100” унаасынын айдоочусу рулду башкара албай калып, жол четиндеги электр карагайын сүзгөн. ӨКМнин куткаруучулары жабыркагандарды унаадан чыгарып, тез жардам кызматынын кызматкерлерине өткөрүп беришкен. Жабыркагандар 2014-жылкы Т. кызы Х., жана 1960-жылкы А.С., аттуу эки адам болгон.