VI Дүйнөлүк көчмөндөр оюндарынын Уюштуруу комитети көк бөрү жана көк пар боюнча финалдык оюндарга билет алып, бирок кире албай калган көрүүчүлөргө каражаттарды кайтарып берет. Бул тууралуу Маданият министрлиги билдирди.

Ошондой эле билет алып, стадионго киргени менен орун жоктугуна байланыштуу мелдешти көрө албай калгандарга билеттин толук баасы (1000 сом) кайтарылат.

Каражатты кайтарып алуу үчүн билеттин төлөнгөндүгүн тастыктаган чекти же квитанцияны [email protected] электрондук дарегине жөнөтүү зарыл.

Бардык кайрылуулар Улуттук электрондук билет системасындагы маалыматтардын негизинде текшерилет. Каражаттар текшерүү иштери аяктагандан кийин кайтарылып берилет.

Министрлик жаралган ыңгайсыздык үчүн кечирим сурады.