Бишкек шаарынын  Абдылас Малдыбаев атындагы Кыргыз улуттук академиялык опера жана балет театрында Ички иштер министрлигинин мурдагы башчысы, милициянын генерал-лейтенанты Молдомуса Конгантиевди акыркы сапарга узатуу зыйнаты болуп жатат.

Ага Министрлер кабинетинин төрагасы Акылбек Жапаров, Министрлер кабинетинин төрага орун басары Камчыбек Ташиев, Мамлекеттик катчы Сүйүнбек Касмамбетов, Ички иштер министри Уланбек Ниязбеков ж.б. бийлик өкүлдөрү жана анын кесиптештери, саясатчылар, коомдук ишкерлер катышууда.

Ал 12-февралда 63 жаш курагында каза болгон. Алдын ала маалыматтар боюнча Конгантиевдин жүрөгү токтоп калган.