Кыргызстандын Агартуу министрлиги 2026/27-окуу жылына карата базистик окуу планын бекитти, деп билдирет мекеменин басма сөз кызматы.

Документке ылайык, окуу жылы 2026-жылдын 15-сентябрында башталып, 2027-жылдын 25-майында аяктайт. Жайкы каникулду эсепке албаганда окуу жылынын узактыгы төмөнкүдөй болот: 1-класстар үчүн — 32 апта, 2-класстар үчүн — 33 апта, 3-класстан 11-класска чейинки окуучулар үчүн — 34 апта.

2026/27-окуу жылына мектеп каникулдарынын графиги:

• күзгү — 5 календардык күн (11-ноябрдан 15-ноябрга чейин, сабактар 16-ноябрда башталат);
• кышкы — 10 календардык күн (1-январдан 10-январга чейин, сабактар 11-январда башталат);
• жазгы — 6 календардык күн (3-марттан 8-мартка чейин, сабактар 9-мартта башталат);
• май (майрамдык) — 9 календардык күн (1-майдан 9-майга чейин, сабактар 10-майда башталат).

Мындан тышкары, 1-класстын окуучулары үчүн мектеп каникулдары дагы эки аптага, ал эми 2-класстын окуучулары үчүн дагы бир аптага узартылат.

Кошумча каникулдардын мөөнөтүн аймактык климаттык жана санитардык-эпидемиологиялык шарттарды эске алуу менен билим берүүнү башкаруунун райондук жана шаардык органдары аныкташат.