Бишкек ден соолукту чыңдоо борборунун адистери кыргызстандыктарга ысык аба ырайында күндө коопсуз болуунун эрежелерин эскертишет.

Дарыгерлер белгилегендей, күн ванналары организм үчүн пайдалуу, бирок абанын температурасы жогору болгон шартта күнгө күйүп (күйүк алып) калуу коркунучу кыйла жогорулайт.

Адистер күн ванналарын кабыл алууну акырындык менен баштоону сунушташат: эс алуунун биринчи күнүндө күндө бир нече мүнөт гана болуп, андан кийин күндүн нуру астында болуу убактысын бара-бара көбөйтүү керек.

Түз тийген күндүн нурунда саат 10:00гө чейин жана 16:00дөн кийин болгон жакшы, ал эми күндүн эң ысык учурун имараттын ичинде өткөрүү зарыл.

Сыртка чыгаардан 15–20 мүнөт мурун, ал тургай күн бүркөө кезде да күндөн коргоочу крем сүйкөнүү жана аны ар бир эки саат сайын же өндүрүүчүнүн нускамасына ылайык тез-тез жаңылап туруу сунушталат.

Мындан тышкары, медиктер кенен жээктүү баш кийимдерди жана күндөн коргоочу көз айнектерди кийүүнү, пляжда кол чатырларды же чатырчаларды колдонууну, жетиштүү өлчөмдө суу ичүүнү кеңеш беришет. Ошондой эле ач карын же тамактангандан кийин дароо күнгө күйбөө, ал эми дененин бардык жерине күн тегиз тийиши үчүн көбүрөөк кыймылдоо зарыл.

Күндө болгондон кийин душка түшүп, терини атайын кремдер менен нымдаштыруу сунушталат.