31-июль күнү Курман айт намазы аянттарда жана мечиттерде окулбайт. Бул тууралуу Кыргызстан мусулмандарынын дин башкармалыгы (Муфтият) билдирди.
Мындай чечим коронавирус илдетинин жайылуу коркунучу бүтө электигин эске алуу менен кабыл алынган.
“Туура түшүнүү менен кабыл алып, берекелүү Курман айт майрамын жалпыбыз үй-бүлөбүз менен үйлөрдө майрамдайбыз. Бул күнү бири-бирибиздикине айттап барбастан, үйлөрдө курмандыгыбызды чалып, Куран окуп, мамлекетибизге, элибизге, жерибизге жакшылыктарды тилеп, маркумдарыбызга дубаларыбызды багыштайлы”, – деп айтылат маалыматта.
Белгилей кетсек, быйыл пандемиядан улам Айт намазы Ала-Тоо аянтында жана мечиттерде жамаат менен окулган эмес.
