Куршаб дарыясынын жээгинен жаш келиндин жансыз денеси табылды. Бул тууралуу Өзгөчө кырдаалдар министрлигинин басма сөз кызматынан кабарлашты.
Маалыматка караганда, 25-30 жаштагы аял кишинин жансыз денеси Өзгөн районунун Лесхоз айылындагы Куршаб дарыясынын жээгинен кечээ, 24-декабрь күнү саат 16:00дөр чамасында табылган. Милицияга жансыз дене тууралуу 102 номуру аркылуу кабарлашкан.
Окуя болгон жерге ӨКМнын куткаруучулары тартылып, аялдын жансыз денесин суудан чыгарып, милиция кызматкерлерине өткөрүп беришкен.
