Бүгүн, 14-сентябрда саат 14:00гө карата кыргыз-тажик чек арасында кайра ок атышуу башталды. Бул тууралуу УКМКнын Чек ара кызматынан билдиришти.
Маалым болгондой Тажикстан тарап Баткен районунун Как-Сай жергесинде саат 14:00дөрдө «Достук» тозотунун чек ара кызматкерлерине ок аткан. Кыргызстандык чек арачылар жооп иретинде ок чыгарган.
«Ок атышуу уланууда», — деп айтылат маалыматта.
Бүгүн, 14-сентябрда кыргыз-тажик чек арасындагы Баткендин Булак-Башы жергесинде чыр чыкты. Ок атышуунун айынан кыргызстандык эки аскер кызматкери жараат алган.
Биздин Телеграм каналга катталыңыз
