Нарын шаарында 100 орунга ылайыкталган №5 төрөт үйүнүн курулушу жүрүүдө. Долбоор республикалык бюджеттин эсебинен каржыланууда. Курулуш иштери 2025-жылдын декабрь айында башталган.

Курулуш министрлигинин маалыматында, объект үч кабаттан туруп, жалпы аянты 3 миң 129 чарчы метрди түзөт. Имаратта заманбап медициналык жабдуулар менен камсыздалган палаталар, дарыгерлердин бөлмөлөрү, стерилдөө бөлүмү жана ашкана жайгашат.

Курулуш иштерин башкы подрядчы катары «Кыргызкурулуш» мамлекеттик ишканасы аткарууда. Министрлик жаңы төрөт үйү аймактагы медициналык тейлөөнүн сапатын жогорулатуу жана жарандарга заманбап шарттарды түзүү максатында салынып жатканын билдирди.