.svg){kind=logo}
«Бишкекгаз» Ленинское айылында 30-сентябрдан 2-октябрга чейин газ берүүнү токтототКыргызстанда санариптик далилдерди мыйзамдаштырып, виртуалдык активдерге камак салуу сунушталуудаБишкекте үй-тиричилик товарларын жана техникаларын чыгарган өндүрүштүк аянтча ачылдыКыргызстанда кайсы өсүмдүктөрдү жыйноого, колдонууга жана сатууга болбойтБишкектеги Г. Айтиев атындагы музейде байыркы кол жазмалар тууралуу лекция өтөтКыргызстанда 1 млрд долларлык фармацевтикалык индустриалдык парк курулат
Кыргызгидрометтин аткаминерлери мамлекеттик бюджетке 16 млн сом зыян келтиришти — Башкы прокуратура
29.07.2026 | 10:36
Аскер прокуратурасы Өзгөчө кырдаалдар министрлигине караштуу Мамлекеттик гидрометеорология кызматында бюджеттик каражаттарды системалуу түрдө уурдоонун туруктуу коррупциялык схемасын аныктады. Бул тууралуу 29-июлда Башкы прокуратуранын басма сөз кызматы билдирди.
Көзөмөл органынан маалымдашкандай, Кыргызгидрометтин жооптуу кызмат адамдары узак убакыт бою мурда жумуштан бошотулган кызматкерлерге, ошондой эле айрым иштеп жаткан кызматкерлерге өздөрүнө тийиштүү төлөмдөрдөн бир топ ашкан өлчөмдөгү акча каражаттарын мыйзамсыз которуп келишкен.
«Кылмыштуу схема кылдат жашырылып келгендиктен, анын катышуучулары узак убакыт бою бюджеттик каражаттарды тоскоолдуксуз өздөштүрүп келишкен. Натыйжада мамлекетке өзгөчө ири өлчөмдө — 16 млн сом материалдык зыян келтирилген», — деп айтылат маалыматта.
Кылмыш иши козголду. Тергөө жүрүп жатат.
