Орусиянын президенти Владимир Путинге ишеним грамотасы тапшырылды. Аны Путинге Кыргызстандын Орусиядагы элчиси Аликбек Жекшенкулов ыйгарды. Бул тууралуу Кыргызстандын Орусиядагы элчилигинин маалымат кызматы кабарлады..

Маалыматка ылайык, Путин дипломатиялык өкүлчүлүктүн башчыларынын алдында Кыргызстан менен болгон мамиле стратегиялык өнөктөштүк жана союздаштык мүнөздү алып жүргөндүгүн белгилеп өттү. ЕАЭБдин алкагында Кыргызстан менен өз ара кызматташып жатканын да белгиледи.

“Кыргызстанга март айында болгон мамлекеттик иш сапар соода-экономикалык, аскердик-техникалык, гуманитардык жана башка тармактарда кызматташуу үчүн жаңы дем берди”, –  деген Орусиянын лидери.