Кыргызстанда 2019–2023-жылдарга киберкоопсуздук стратегиясы бекитилди. Тиешелүү чечимге премьер-министр Мухаммедкалый Абылгазиев кол койду. Бул тууралуу өкмөттүн маалымат кызматы кабарлады.
Токтомдун максаты жарандардын, бизнестин жана мамлекеттин коопсуздук деңгээлин камсыздоо. Алардын кибермейкиндиктеги маанилүү кызыкчылыктарын коргогон; Кыргызстандын социалдык-экономикалык туруктуу өнүгүүсүн камсыздаган; улуттук экономиканы санариптик трансформациялоону камтыган киберкоопсуздук улуттук стратегиясын түзүү болуп саналат.
