13–19-октябрь күндөрү өлкө аймагында “Үйрөтүүчү транспорт каражаты” аттуу рейд өтүүдө. Бул тууралуу Жол кыймылынын коопсуздугун камсыздоо башкы башкармалыгы кабарлады.

Рейддин максаты — жол кырсыктарын алдын алуу жана айдоочуларды даярдоонун сапатын жакшыртуу.

Текшерүү учурунда авто-мектептердин окутуучу жана үйрөтүүчү унаалары каралып, төмөнкү маселелерге өзгөчө көңүл бурулууда:

• кошумча педалдардын талапка ылайыктуулугу;
• айдоочулук китептер жана маршруттук схемалардын болушу;
• инструкторлордун квалификациясы.

Кемчиликтер аныкталган учурларда түшүндүрүү иштери жүргүзүлүп, мыйзам бузган авто-мектептерге протоколдор түзүлүүдө.