Кыргызстанда балдардын укугун коргоонун бир айлыгы жарыяланды. Бул тууралуу Акыйкатчы институтунун жетекчиси Аскат Азарбеков маалымат жыйынында билдирди.

Анын айтымында, бул пландаштырылган иш-чара.

«Бирок биз 15-февралдан тарта баштайлы дедик, бирок Сокулуктагы окуя эрте баштоого түрткү болду», – дейт Аскат Азарбеков.

Эске салсак, 3-февралда Сокулук аймактык ооруканасына эки жашар наристе сабалган абалда түшкөн. Анын денесине гематомалар болгон. Баланы кыйноого алуу фактысы боюнча кылмыш иши козголду. Милиция кызматкерлери тарабынан 34 жаштагы С.А. баланы мыкаачылык менен сабаган кылмышка шектүү катары кармалган. Ал тергөө амалдарынын жүрүшүндө камакка алынды.