Кыргызстанда 7-августтан 13-августка чейин жол эрежесин бузган 36 миң 536 учур катталды. Алдын ала маалыматтарды КР ИИМдин Жол кыймылынын коопсуздугун камсыздоо башкы башкармалыгы (ЖКККББ) билдирет.

Тактап айтканда, бир жума ичинде төмөнкүлөр аныкталды:

— тийиштүү документтери жок унаа башкарган 1003 учур;

— мас абалында рулга отурган 534 учур;

— унаасынын терезелерин мыйзамсыз караңгылаткан 288 учур;

— жөө жүрүүчүлөрдүн катышуусундагы жол эрежесин бузган 1942 учур;

— транспорт каражаттарын пайдалануу эрежелерин бузган 5865 учур;

— 32 автобейбаштык фактысы;

— белгиленген ылдамдыктан ашырган 2129 учур;

— жасалма мамлекеттик номер менен унаа башкарган 19 факты;

— жол эрежесин бузган башка 21 миң 172 учур.

Түрдүү жол эрежелерин бузгандыгы үчүн 3 миң 552 унаа атайын айып короосуна киргизилди.

ЖКККББ айдоочуларды жана жол кыймылынын башка катышуучуларын жол эрежелерин так сактоого жана жолдо жоопкерчиликтүү болууга чакырат.