Жаратылыш ресурстары министрлиги Ат-Башы районундагы Көл-Суу жана Көк-Кыя аймактары таштандылардан тазаланганын билдирди. Тазалоо иштерине «Ак-Моюн» муниципалдык ишканасынын кызматкерлери жана аймактагы туризм тармагынын өкүлдөрү катышкан.

Эске салсак, буга чейин социалдык тармактарда көлдүн жээгинде ар кайсы жерге ташталган жана үйүлүп жаткан таштандылар тууралуу видеолор тараган.

Посмотреть эту публикацию в Instagram

Публикация от Reporter.kg (@reporter_kg)

Министрликтин маалыматына ылайык, акыркы үч күндө жааган жамгырдан улам суунун деңгээли көтөрүлүп, таштандылар жээкке сүрүлүп келген. Ошондой эле тазалык акциялары аталган аймакта туруктуу негизде өткөрүлүп турары айтылды. Мекеме жарандарды жаратылышка аяр мамиле кылууга жана экологиялык маданиятты сактоого чакырды.