Мамлекеттик “Чакан ГЭС” ишканасы өлкө боюнча заряддоо станцияларынын тармагын кеңейтип жатат.

Маалыматка ылайык, быйыл Кеминде Бишкек — Торугарт унаа жолунун боюна алты станция орнотулду. Азыркы тапта Кара-Көл шаарында дагы төрт станция курууга уруксат алуу иштери жүрүүдө.

Келерки жылы Ош, Манас, Таш-Көмүр, Токтогул, Өзгөн, Суусамыр, Кең-Сай, Балыкчы, Каракол, Бостери жана Токмок шаарларына жаңы заряддоо станциялары курулат. Мындан тышкары, Бишкекте да кошумча станциялар орнотулууда.

Компания өкүлдөрүнүн айтымында, бул долбоор электромобилдерди колдонууну кеңейтүүгө жана экологиялык таза транспорттун үлүшүн жогорулатууга багытталган.