Бүгүн, 4-ноябрда “Сосновка” жана “Арал” постторунда унаалардын дөңгөлөктөрү текшерилүүдө.

Транспорт министрлигинин маалыматына караганда, Бишкек–Ош жолундагы Төө-Ашуу жана Ала-Бел ашууларында, ошондой эле Суусамыр–Талас–Тараз жолундагы Өтмөк ашуусунда оор жүк ташуучу унаалардын өтүшүнө убактылуу чектөө киргизилген.

Мекемеден билдиришкендей, жайкы дөңгөлөк менен жүргөн унаалар ашууларга өткөрүлбөйт.

Учурда жол тазалоо жана кум-туз себүү иштери уланууда. Айдоочулардан жол эрежелерин сактоо, каршы тилкеге чыкпоо жана унааларын кышкы абалга даярдоо талап кылынууда.