Кыргызстандык жана чет өлкөлүк окумуштуулар жүндөн алынган жаңы органикалык жер семирткичти изилдеп чыгышты.

Айыл чарба министрлиги маалымдагандай,бул жер семирткичтин курамындагы азоттун көлөмү 15%га чейин жетери аныкталды. Анын өзгөчөлүгү азот акырындык менен бөлүнүп чыгып, өсүмдүктөргө туруктуу азык болору.

Мындан тышкары, жер семирткичтеги күкүрт, аминокислоталар жана кератин топурактын түзүлүшүн жакшыртып, нымды узакка сактап, жумшартууга өбөлгө түзөрү белгиленди.

Окумуштуулардын айтымында, жүн жай чиригендиктен жер семирткичтин таасири да узак мөөнөткө созулат.