Улуттук коопсуздук мамлекеттик комитети «Аю» холдингинин ээси Ш. Абдыкеримовго таандык ири соода-оюн-зоок борборлору жана өнөр жай объектилери мамлекетке өткөрүлгөнүн билдирди.

Маалыматка ылайык, холдингдин ишмердүүлүгүндө көп жылдар бою салыктарды жана милдеттүү төлөмдөрдү төлөөдөн качуу, ошондой эле жасалма финансылык отчетторду мамлекеттик органдарга берүү жолу менен мыйзамсыз кирешелерди адалдоо схемасы колдонулуп келген.

Тергөө-ыкчам иш-чараларынын жыйынтыгында мамлекеттин балансына жалпы баасы 10 миллиард сомдон ашкан соода борборлору, өнөр жай базалары жана коммерциялык жайлар өткөрүлүп берилди.