Быйыл тогуз айда орточо айлык акы 25 миң 27 сомду түздү. Бул тууралуу Улуттук статистикалык комитеттин төрагасынын орун басары Бакытбек Шокенов маалымат жыйынында билдирди.
Маалыматка ылайык, бул көрсөткүч өткөн жылдын ушул мезгилине салыштырмалуу 27,9%га өстү.
Кошумчалай кетсек, эмгек акынын өсүшү эң көп искусство, саламаттыкты сактоо, социалдык тейлөө, коргоо, билим берүү, мамлекеттик башкаруу жана милдеттүү социалдык камсыздоо тармактарында байкалган. Ошондой эле, тоо-кен, транспорт ишмердүүлүгү, жүктөрдү сактоо, дүң жана чекене соода, автоунааларды оңдоо тармагында иштегендердин да эмгек акысы көтөрүлгөн.
Биздин Телеграм каналга катталыңыз
