Кыргызстанда ОСАГОну (Айдоочулардын жарандык-укуктук жоопкерчилигин милдеттүү камсыздандыруу) киргизүү мөөнөтү жылдырылат. Бул тууралуу бүгүн, 26-январда Жогорку Кеңештин жыйынында төрага Нурлан Шакиев билдирди.
Шакиевдин айтымында, ал 25-январда Министрлер кабинетинин төрагасы Акылбек Жапаров менен жолугуп, ОСАГОну киргизүүнүн мөөнөтүн жылдыруу тууралуу депутаттардын сунушун айткан.
«Ал киши менен кеңешип, 1-апрелден тарта айып пул салынат деген мөөнөттү жылдыра турган болдук. Президенттин да ушундай тапшырмасы бар экен. 1-апрелден тарта айып пул салынбайт, мөөнөттөрү да узартылат», — деди ал.
Эскерте кетсек, 25-январдагы Жогорку Кеңештин жыйынында депутаттар ОСАГОну киргизүү мөөнөтүн жылдырууну сунуштаган.
ОСАГО полиси жок унаа ээлерине эми айып салынат. Аны кантип алуу керек?
Биздин Телеграм каналыбызга катталыңыз
