3-ноябрдан тарта Кыргызстандын жарандары жаңы дизайндагы жана жогорку деңгээлде корголгон 2025-жылдагы биометрикалык жалпы жарандык паспортторду ала алышат. Бул тууралуу бүгүн, 5-ноябрда, Санариптик өнүктүрүү министрлиги билдирди.

Маалыматка ылайык, документтерди алмаштыруу ыктыярдуу негизде жүргүзүлөт, эски паспорттор мөөнөтү бүткөнгө чейин жарактуу бойдон калат.

Ар бир визалык баракта өлкөнүн бардык облустарындагы маанилүү объекттер жана тарыхый-маданий баалуулуктар чагылдырылган.

Жаңы паспорт миграциялык көзөмөлдү жакшыртууга, жасалма документтерге каршы күрөштү күчөтүүгө жана чек ара аралык кылмыштуулукка бөгөт коюуга мүмкүндүк берет.