Кыргызстанда соттук карыз боюнча аткаруучулук жыйымды төлөө кызматы онлайн режиминде иштейт. Бул тууралуу Сот департаментинин басма сөз кызматы билдирди.
Бул формат учурда тесттик режимде иштеп жатат.
Сот департаментинин Соттук актыларды аткаруу боюнча башкармалыгынын ЖАМК ишмердүүлүгүнө мониторинг жүргүзүү бөлүмүнүн башчысы Канат Осмонов билдиргендей, эми карызкорлор негизги карызды гана эмес, банктардын жана төлөм системасынын операторлорунун мобилдик тиркемелери аркылуу аткаруу жыйымдарын төлөй алышат.
Соттук карыздын бар-жоктугун текшерүүдө, эгерде бар болсо, «Сот аткаруучулардын статусу жана аткаруу өндүрүшү жөнүндө» мыйзамда каралган аткаруу жыйымдарын кошо алганда, карызды жабуу үчүн төлөм коду түзүлөт.
Биздин Телеграм каналга катталыңыз
