Кыргызстандын улуттук футбол курамасынын коргоочусу Христиан Браузман бутунан жаракат алып, алдыдагы оюндарга катыша албайт. Бул тууралуу Кыргыз футбол биримдигинен билдиришти.

Христиан Браузман бутунун кызыл ашык жагынан жаракат алган. Анын толук айыгышына 2-4 жума убакыт керек болот. Мындан улам спортчу бүгүн, 14-ноябрда Бириккен Араб Эмираттарына жана 19-ноябрда Иранга каршы оюндарга катыша албайт.

Кыргыз футбол биримдиги спортчуга батыраак сакайып кетүүнү каалайт.