Кыргызстандык окуучулар КМШнын ишкердик жана каржылык сабаттуулук боюнча Эл аралык чемпионатында экинчи орунду ээлешти. Бул тууралуу 24.kg маалымат агенттиги «За достойное образование» фондунун президиумунун төрагасы Евгений Беловго шилтеме берип, маалымдады.

Маалыматка ылайык, иш-чараны «Алабуга» өзгөчө экономикалык зонасы ППТ» АКкы уюштурган.

Чемпионатка Кыргызстандын, Өзбекстандын, Тажикстандын жана Орусиянын окуучулары катышкан. Кыргызстандан 11 окуучу Кыргыз билим берүү академиясынын вице-президенти Мелисбек Музулмановдун жетекчилиги алдында катышкан.

Жыйынтыгында, командалык эсеп боюнча кыргызстандык окуучулар күмүш медалга ээ болушкан. Биринчи орунду Өзбекстандын командасы багындырса, коло байгени тажикстандык команда алган.