«Иш сапардын жүрүшүндө көргөзмөнүн катышуучулары тигүү жана текстиль өнөр жайындагы инновациялык иштеп чыгуулар, экологиялык жана технологиялык чечимдерди эске алуу менен өндүрүштү башкаруунун жаңы ыкмалары, заманбап инновациялар жана алдыңкы санариптик технологиялар менен таанышууга мүмкүнчүлүк алышты. Иш-чарага катышуунун негизги максаттары: текстиль жана тигүү өнөр жайы үчүн акыркы технологиялар менен таанышуу, жаңы бизнес мамилелерди түзүү, инновацияларды/жаңы тенденцияларды издөө, жаңы продукциялар жана технологиялар жөнүндө маалымат алуу, адистештирилген семинарларга катышуу болду», — деп жазылат маалыматта.
Кыргызстандан барган делегациянын курамында 24 адамдан турган. Көргөзмөгө катышуунун натыйжасында 10 компания 42 жаңы бизнес байланыштарды түзүп, 4 компания келечекте керектүү жабдууларды сатып алуу боюнча сүйлөшүүлөрдү жүргүзүшкөн.
Биздин Телеграм каналга катталыңыз
