2024-жылдын биринчи жарым жылында Кыргызстанга 1 миң 433 тонна тушкагаз алынып келинди. Бул тууралуу Улуттук статистика комитети билдирди.

Өлкөгө эң көп Кытайдан тушкагаз импорттолгон. Бул мамлекеттен 466.6 тонна товар сатылып алынган.

Орусиянын продукциясынын Кыргызстанда көөлөмү былтыркыга салыштырмалуу азайып, алты айда 751.2 тонна гана келген.

Ал эми Өзбекстандан быйыл тушкагаз көбүрөөк алынып келинип, 222,8 тоннага жетти.

Кыргызстандыктар үйлөрүн Украина (158.1 тонн), Беларусия (46.1 тонн), Германия (40.2 тонн) жана Турциянын (45.7 тонн) тушкагаздары менен дагы кооздошот.