Кыргызстандыктарга мүлк салыгын өз убагында төлөө үчүн эки күн — 30 жана 31-август калды. Акыркы мөөнөт — 1-сентябрь. Бул тууралуу Мамлекеттик салык кызматы эскертет.

Бул мөөнөткө чейин ишкердик жүргүзүү үчүн пайдаланылбаган турак үйлөр жана батирлер үчүн мүлк салыгын төлөө керек.

Ошондой эле үй жанындагы, короо-жай жана бакча-чарбак жер тилкелери үчүн салык төлөнүшү керек.

Салыктын суммасын Салык төлөөчүнүн кабинетинен билүүгө болот. Ошол жерден төлөм кодун же QR-кодду түзүп, салыкты төлөөгө да мүмкүн.

Мөөнөтүн өткөрүп жиберген учурда карыздын суммасына ар бир кечиктирилген күн үчүн 0,09% өлчөмүндө туум эсептелет.