Бүгүн, 29-майда, күндүзгү саат 14:15тер чамасында Кыргызстандын аймагында очогунда күчү 5 баллга жеткен жер титирөө катталды. Бул тууралуу Сейсмология институтунун сайтында кабарланды.

Маалыматка ылайык, жер титирөөнүн очогу Сары-Булак айылынан 10 чакырым түштүк тарапта, Ничке айылынан 25 чакырым түштүк-чыгышта, Манас шаарынан 110 чакырым түндүк-чыгышта жана Бишкек шаарынан 150 чакырым түштүк-батыш тарапта жайгашкан.

Калктуу конуштарда жер титирөөнүн күчү төмөнкүдөй сезилген:

• Сары-Булак айылында — 4,5 балл;
• Ничке, Чогорчу, Бирлик, Көл жана Табылгы айылдарында — 4 балл;
• Кызыл-Уран, Кетмен-Төбө, Кызыл-Ой, Бирдик жана Атай айылдарында — 3 балл.