Бүгүн Токтогул Сатылганов атындагы улуттук филармонияда аталган партиянын VI съезди өтүүдө. Анда партия өкүлдөрү башкаруу мөөнөтү бүткөн лидери Канатбек Исаевдин отчётун угуп, андан кийин жаңы лидерди шайлоону жүргүзүштү. Анда кайрадан эле 4 жылга партиянын лидери болуп Канатбек Исаев шайланды.

Ал эми Алмазбек Баатырбеков лидерликке талапкерлигин өз ыктыяры менен алды.

“Кыргызстан” партиясынын лидери болуу боюнча сунуш Дастанбек Жумабековго келип түштү. Ал аталган партиядан депутат болуп шайланган. Учурда Жогорку Кеңештин төрагасы.
“Сунуш үчүн рахмат. Бирок мен өз ыктыярым менен партияга лидер болуудан баш тартам”, –деди ал.