Кытайдын Фуцзянь провинциясынын Цюаньчжоу шаарында карантинге алынган мейманкана урап, андан 70тен ашык адам урандынын алдында калды. Бул тууралуу чет элдик басылмалар жазып чыгышты.

Акыркы маалыматтарга ылайык, кырсыктын кесепетинен 10 киши көз жумган. Учурда дагы 10 кишинин дайыны чыкпай жатат. Мейманканда кырсык катталганга чейин 71 адам болсо, алардын 58и вирусту жуктурууга шектелип, карантинге алынган. Аталган мейманкана ушул жылдын башынан бери карантиндик борбор болгон.

Беш кабаттуу мейманкана 2018-жылы ачылып, 80 орунга ылайыкташкан.