Кызыл кулактык кылгандар үчүн айып пулдун саны 1 млн сомго чейин жеткирүү сунушталууда. Бул туурасында мыйзам долбоору коомдук талкууга чыкканын Жогорку Кеңештин депутаты Марлен Маматалиев парламент жыйынында билдирди.
“ Эл кыйналып турганда кызыл кулактык кылгандарды “эл душмандары” деп айтат элем, башкача айта албайм. Кызыл кулактык кылып азык-түлүккө болгон бааларды негизсиз көтөрүп, керек болсо кампаларынан товарларын чыгарбай, айрымдары алардан сатып алып, кымбатаганда сатабыз деп күтүп отурушат. Буларга күч органдары чара көрүп, элге аларды көрсөтүп турушубуз керек. Ушул тапта аларга айып пулдун көлөмү 17 миң сом экен, айып пулдун көлөмүн 1 млн сомго жеткирели деп мыйзам долбоорун сунуштап жатабыз”- деди.
