Министрлер Кабинетинин Төрагасынын орун басары Улан Маматканов Бишкекте Тажикстандын маданият министри Матлубахон Амонзода менен жолугушту. «Ынтымак Ордодогу» тараптардын көңүл борборунда маданият, билим берүү жана туризм чөйрөлөрүндө кызматташтыкты тереңдетүү, ошондой эле ынак коңшулук мамилелерди өнүктүрүү маселелери турду.

Учурдагы өз ара аракеттенүүнүн башкы окуясы болуп Кыргызстанда 17-майдан 22-майга чейин өтүп жаткан Тажикстандын Маданият күндөрү саналды. Жолугушуунун катышуучулары мындай иш-чаралар, анын ичинде өткөн жылы Душанбеде өткөн КР Маданият күндөрү, чыгармачыл жамааттар үчүн жаңы горизонтторду ачып, эки элдин руханий жакындыгын бекемдей турганын белгилешти.

Ири эл аралык долбоорлорго — ШКУнун мааракелик Саммитине жана VI Дүйнөлүк көчмөндөр оюндарына даярдык көрүүгө өзгөчө басым жасалды. Диалогдун жыйынтыгы боюнча тараптар гуманитардык чөйрөдө мындан аркы интеграцияга жана биргелешкен маданий демилгелерди иш жүзүндө ишке ашырууга даяр экендиктерин ырасташты.