Май майрамдарына карата  1-майдан 11-майга Ала-Арча жаратылыш паркына чейин газ менен жүргөн 12 метрлик заманбап ISUZU автобустары экспресс автобус каттамына чыгарылат. Бул тууралуу муниципалитет маалымдады.

Жол кире накталай төлөөдө – 50 сом, накталай эмес төлөөдө – 40 сом болот. Автобустар саат 08:00дөн 19:00гө чейин каттайт, зарыл болгон учурда иш тартиби кайрадан каралып чыгат.

Белгиленгендей, каттамдын акыркы аялдамалары Т.Усубалиев атындагы аянтта жана Ала-Арча жаратылыш паркында жайгашат.

Мындан тышкары, Ала-Арча жаратылыш паркынын ичинде акысыз негизде эки жаңы электробус каттайт.