Эми мал ээлери «Түндүк» тиркемеси аркылуу өздөрүнүн атына катталган малдар тууралуу маалымат ала алышат. Бул үчүн Ветеринария, мал чарбасын өнүктүрүү, жайыттар жана тоют кызматынын малдарды идентификациялоо жана көзөмөлдөө системасы тиркеме менен интеграцияланды.

Эгер мал тизмеде жок болсо же маалыматтарда так эместиктер аныкталса, мал катталган жердеги ветеринардык адиске кайрылуу керек.

Айыл чарба министрлигинин маалыматына караганда, бул интеграция жарандардын өздөрүнө таандык мал тууралуу маалыматка жетүүсүн жеңилдетип, мамлекеттик кызматтардын жеткиликтүүлүгүн жогорулатууга багытталган.