Кыргызстандын эмгек сиңирген артисти, ырчы-импровизатор жана комузчу Малик Аликеевдин сөөгү өзү туулуп-өскөн айылда жерге берилет. Бул тууралуу Маданият, маалымат, спорт жана жаштар саясаты министрлиги билдирди.
Акыркы сапарга узатуу зыйнаты 19-январда саат 10:00дө Талас облусунун Көпүрө-Базар айылында өтөт.
Ырчы жана аткаруучу Малик Аликеев 17-январда 54 жашында дүйнөдөн кайтты. Ал 1969-жылы 6-июнда Талас районунун Көпүрө-Базар айылында туулган. Элге «Мөлмөлүм», «Арзыкан», «Таласым» аттуу ырлары менен таанылган. Артында бир уулу калды.
Биздин Телеграм каналга катталыңыз
