Манасчы Саякбай Каралаевдин вариантындагы «Манас» эпосу аудиокитеп форматында чыгарыла баштады. Долбоорду журналист Шайырбек Абдрахманов ишке ашырууда. Бул тууралуу Маданият министрлиги билдирди.

Маалыматка ылайык, долбоорду ишке ашыруу үчүн министрлик тарабынан 3 миллион сом бөлүнгөн.

23-сентябрда аудиокитептин алгачкы бөлүгү жарыяланды. Аны Шайырбек Абдрахмановдун YouTube каналынан угууга болот. Эпостун кийинки бөлүктөрү этап-этабы менен чыгарылып турат.

Маданият министрлиги долбоордун максаты «Манас» эпосун аудиоформат аркылуу угуучуларга жеткирүү, Саякбай Каралаевдин вариантын жайылтуу жана улуттук мурасты таанытуу болуп саналарын билдирди.