Бүгүн, 8-августта Бишкектин Октябрь райондук соту маркум кримтөбөл Камчы Көлбаевдин апасы Мая Алиевага өкүм чыгарды. Бул тууралуу шаардык соттон билдиришти.

Соттун өкүмү менен Мая Алиева Кылмыш-жаза кодексинин 183-берененин 3-бөлүгүнүн 2-пункту (кылмыштуу кирешелерди адалдоо (1997-жылдагы редакция) боюнча күнөлүү деп табылып, 7 жылга эркинен ажыратылды. Ошондой эле мүлкү мамлекетке алынат.

Ошол эле учурда ал эркинен ажыратуу жазасын бошотулуп, сыноо иретинде 1 жылдык шарттуу мөөнөт берилди. Аталган мөөнөттүн ичинде Мая Алиева мыйзам бузбашы керек жана сот жүктөгөн милдеттенмелерди аткарышы зарыл.

https://reporter.kg/apam-oorup-zhatat-kamchy-kolbaevdin-inisi-zhaparovgo-zhana-tashievge-kajryluu-zhasady-video/