Бишкекте мас абалда унаа айдаганы үчүн кармалган Сот департаментинин Чүйдөгү башкармалыгынын кызматкери Азамат Курманбеков кызматтан алынды. Бул тууралуу Сот департаментинен билдиришти.

Маалыматта айтылгандай, ал облустагы башкармалыкта сот аткаруучулардын ишин көзөмөлдөө бөлүмүнүн башчысы кызматын ээлеген. Аталган окуядан кийин Курманбеков кызматтан бошотулду.

Эскерте кетсек, Азамат Курманбеков Милициянын кайгуул кызматы тарабынан 1-октябрда кармалган. Наркологиядагы текшерүүдө ал ичимдик ичкени аныкталган.