Facebook жана Instagram социалдык тармактарына ээлик кылган Meta Corporation кызматкерлерин массалык түрдө кыскартуунун жана чыгымдарды минималдаштыруунун алкагында 11 миңден ашуун адамды жумуштан бошотот, бул кызматкерлердин болжол менен 13% түзөт.
Компаниянын сайтында жарыяланган корпорациянын жетекчиси Марк Цукербергдин катында жумушка орношууга тыюунун мөөнөтүн узартуу да айтылат.
Цукербергдин айтымында, бул чечимдин себептеринин бири COVID-19 пандемиясынын учурунда интернет-коммерцияга туура эмес инвестициялар, ошондой эле атаандаштыктын күчөшү жана кирешенин төмөндөшүнө алып келген экономиканын басаңдашы болду. Ошондой эле кеңселердин аянтын кыскартуу пландаштырылууда.
Өткөн аптада Twitter социалдык тармагынын жаңы ээси Илон Маск бир нече миң кызматкерин жумуштан кетирген.
Биздин Телеграм каналга катталыңыз
