Француздук Coperni компаниясы жерге түшкөн метеориттерден жасалган баштыктардын чектелген нускасын чыгарды. Мындай буюмдун баасы 40 миң евродон (3 млн 841 миң 516 сом) башталат.
Чет элдик ЖМКлар билдиришкендей, жаратуучулар баштыкты «археология, дизайн, классикалык жана примитивдүү искусствону тымызын айкалыштырган уникалдуу объект» деп мүнөздөшөт.
Бренддин өкүлдөрүнүн айтымында, ар бир нуска колго жасалган.
Белгилей кетсек, дал ушул Coperni мода үйү жылаңач Белла Хадидге “суюк көйнөк” чачып, Boston Dynamics роботторун подиумга алып чыккан, эми алар уникалдуу метеорит баштыгы менен таң калтырууда.
Mini Meteorite Swipe сумкасынын баасы 40 000 евродон башталат. Баса, баасы ал негизделе турган метеоритке жараша өзгөрүп турат — кээ бир учурларда андан да кымбат болушу мүмкүн. Ар бир үлгү үчүн метеорит өз алдынча казылып алынат жана тиешелүү сертификатка ээ. Бир баштык жасоо үчүн алты жума кол эмгек талап кылынат.
Бул Coperni айнек менен келген Swipe моделине окшош, бирок ар бир метеордук баштыктын өлчөмү жана түсү сейрек кездешүүчү материалдын жеке өзгөчөлүктөрүнөн улам бир аз айырмаланышы мүмкүн.
Биздин Телеграм каналга катталыңыз
