Кытайлык мигранттар Кыргызстанга кайта башташты. Бул тууралуу Мамлекеттик миграция кызматынын төрагасы Болотбек Ибраимжанов 18-февралда Жогорку Кеңештин тармактык комитетинин жыйынында депутаттардын суроолоруна жооп берип жатып билдирди.

Ибраимжановдун айтуусунда, алар жаңы жылдык эс алуу учурунда мекенине кетип, эми кайра ишине кайтып жаткандар. Учурда Кыргызстанда Кытайдын беш миң жараны жүрөт. Ал эми жалпы кытайлык мигранттардын саны 8-9 миңге жетет. Алар негизинен жол куруу жана тоо-кен ишканаларында иштешет.