Бишкектеги жаңы стадион Орок айылы тарапта салынат. Бул тууралуу бүгүн, 25-июлда маалымат жыйында маданият, маалымат, спорт жана жаштар саясаты министри Азамат Жаманкулов билдирди.

Анын айтымында, учурда жаңы стадиондун так орду аныктала элек жана анын курулушу качан башталары белгисиз. Бирок ал Түштүк магистралынын (Жайыл Баатыр көчөсү) жогору жагында, Орок айылына жакын жерде курулушу мүмкүн.

Эскерте кетсек, жаңы стадиондун курулары тууралуу Азия кубогу – 2023 мелдешинин Бишкекте өткөн тандоо оюндары учурунда кабарланган. Жаңы стадион 22,5 миң кишиге ылайыкталып салынат.

Дөлөн Өмүзаков атындагы стадион 18,5 миң кишиге эсептелип, мындан 80 жыл мурда курулган.