Эмгек, социалдык камсыздоо жана миграция министрлиги чет өлкөгө иштөө үчүн чыгып жаткан жарандарга жана жеке ишке орноштуруу агенттиктерине кетер алдындагы даярдыктан өтүү милдеттүү экенин эскертет. Талап №49 жобонун 7-бөлүмүнө ылайык белгиленген.

Мекеменин маалыматында, жеке ишке орноштуруу агенттиктери ар бир талапкерди кетер алдында окутууга жана тиешелүү маалыматтар менен тааныштырууга милдеттүү.

Даярдык программасы төмөнкүлөрдү камтыйт:

• баруучу өлкөнүн миграциялык мыйзамдары жана кирүү эрежелери;
• жашоо жана эмгектенүү шарттары;
• мигранттардын укуктары жана милдеттери;
• барган өлкөнүн маданий өзгөчөлүктөрү;
• финансылык сабаттуулук;
• мүмкүн болуучу тобокелдиктер жана алардын алдын алуу;
• өзгөчө кырдаалдардагы аракеттердин алгоритми;
• эмгек укуктарын коргоо боюнча сунуштар.

Бул чара жарандардын коопсуздугун камсыздоо жана чет өлкөдө ишке орношуудагы тобокелдиктерди азайтуу максатында киргизилген. Министрлик агенттиктерди аталган талаптарды так аткарууга чакырды.