Бүгүн, 17-августта, жогорку жана орто кесиптик билим берүү уюмдарына абитуриенттерди кабыл алуунун алтынчы туру башталды. Ал 22-августка чейин уланат. Бул тууралуу Илим, жогорку билим берүү жана инновациялар министрлиги билдирди.

Тандоо ЖРТнын жыйынтыгы жана негизги жалпы билим тууралуу күбөлүктүн орточо баллынын негизинде жүргүзүлөт.

Алтынчы турдун графиги:

• 17–19-август: конкурска катышуу үчүн абитуриенттерди каттоо;
• 19-август, саат 14:00: каттоону аяктоо;
• 20-август, саат 10:00: окууга сунушталган абитуриенттердин тизмесин жарыялоо;
• 20–22-август, саат 16:00гө чейин: абитуриенттер тарабынан окуу жайды тандоону ырастоо.

Министрлик абитуриенттерге каттоо жана тандоону ырастоо убактысын так сактоону сунуштады.