Кыргызстандын Министрлер кабинети 2026-жылга өлкөгө иштөө үчүн келүүчү чет элдиктерге бериле турган квотанын санын көбөйттү. Мындай чечим Минкабдын 30-апрелдеги №313 тескемеси менен бекитилген. Бул тууралуу “Токтом” маалымат-укуктук порталына 22-майда жарыяланды.

Документке ылайык, Кыргызстандын аймагында эмгек ишин жүзөгө ашырууга келүүчү чет өлкөлүк жарандардын жана жарандыгы жок адамдарга берилүүчү квотанын саны 52 миңден 100 миңге чейин көбөйтүлдү.

Эске салсак, былтыр, 2025-жылдын августунда өкмөт чет өлкөлүк эмгек мигранттарына берилүүчү квотанын санын 25 миңден 42 миңге чыгарган. Кыргызстанга эмгек мигранттары көбүнчө Өзбекстан, Пакистан, Индия, Бангладеш Кытай жана Түркия сыяктуу өлкөлөрдөн келишет.