Мирлан Айталы “Алга” футболдук клубуна жаңы жетекчи болду. Тиешелүү буйрукка шаар мэри Эмилбек Абдыкадыров кол койду.

Мирлан Айталы “Себат” кыргыз-түрк лицейинин бүтүрүүчүсү. Борбордук Азиядагы Америка университетинде бакалавр даражасын алган. Ошондой эле Лондондо (LEICESTER COLLEGE OF PROFESSIONAL STUDIES) бизнести башкаруу боюнча билим алган.

Эмгек жолун 2002-жылы «КООРТ» ЖАКсында маалымат кызматынын кабарчысы жана спорт журналисти болуп иштөөдөн баштаган.

2005-2006-жылдары кабарчы, жаңылыктарды алып баруучу болуп иштеген.

2018-жылдын май айынан бери «Бешинчи канал» ЖАКнын аткаруучу директору жана «Борбор» жана «Ойбүгүн» ​​теледолбоорлорунун алып баруучусу.